KADISDIKPORA BULELENG NGAPTIANG MANGDA MAHASISWA PRASIDA NITENIN PARUBAHAN PENDIDIKAN RING PAMARGI SANE BILIH BECIK
KADISDIKPORA BULELENG NGAPTIANG MANGDA MAHASISWA PRASIDA NITENIN PARUBAHAN PENDIDIKAN RING PAMARGI SANE BILIH BECIK
Singaraja, Wrespati, 17 Pebruari 2022 DISDIKTODAY
Parikrama parindikan Kampus Mengajar mawali katiba ring Kabupaten Buleleng ring paletan kaping 3 (tiga) puniki pacang wenten nenem Mahasiswa saking Universitas Pendidikan Ganesha sane pacang kautus ring Sekolah Dasar. Sumangdane paweruh ida dane sareng sami, saparindik Kampus Mengajar inggih punika parikrama sane ngicen galah ring para Mahasiswa prasida ngawantu guru lan kepala sekolah ring SD lan SMP ring sajeroning ngawentenang paplajahan sane kapiambeng antuk kawentenan pandemi COVID-19, tale rparikrama puniki kamargiang selami asemester utawi 6 (nem) sasih.
Mungguing indike punika, Pamucuk Manggala (Kepala Dinas ) Dinas Pendidikan Pemuda dan Olahraga Kabupaten Buleleng, Made Astika, S.Pd, M.Pd, sane kasandingin olih Kepala Seksi Kurikulum SD, I Ketut Agus Susilawan, S.Pd, M.Pd prasida nyanggra sapangrawuh Audensi Kampus Mengajar PAletan Kaping 3 (tiga) warsa Duang Tali Duang Likur sane magenah ring Aula Dinas.
Dosen Pembimbing Lapangan inggih punika Ketut Sri Kusuma Wardani, S.Pd, M.Pd saking Universitas Mataram ngaturang inggih punika saking makenenem mahasiswa puniki sana lalima pacang katitah ring SD Negeri 6 Panji taler siki mahasiswa katitah ring SD 4 Madenan. Mahasiswa sane katitah ring Sekolahan puniki kaaptiang prasida nuladang kawruhan sane kapikolihang duk parikrama pembekalan Kampus Mengajar sane kaicen selami asasih oliih KEMENDIKBUDRISTEK RI, taler makenenem mahasiswa punika prasida kapilih saking testing antuk standar nilai, kenten taler mahasiswa punika mawit saking makudang kudang program studi. Inggihan punika kaaptiang mangda wenten rasa paras paros sarpanaya (kolaborasi) prasida makta parubahansane bilih becik ring saparindik pendidikan .
Dosen Pembimbing Lapangan taler ngaturang dahat suksmaning manah ring Kepala Dinas Pendidikan Pemuda dan Olahraga Kabupaten Buleleng santukan prasida mapaica galah taler prakanti lan ring galah jagi rauh mangda prasida taler ngicenin pawarah-warah lan pituduh samatra mangda pamargi parikrama puniki antar labda karya sidaning don.
Tiyos ring asapunika, Kepala Dinas Pendidikan Pemuda dan Olahraga Kabupaten Buleleng taler prasida ngaturang suksmaning manah lan prasida maprakanti parikrama Kampus Mengajar puniki mangda prasida ngawantu sisya, guru, lan kepala sekolah taler tenaga kependidikan indik nincapang kualitas pendidikan lan kawagedan ngicening paplajahan., paras-paros sarpanaya (kolaborasi) ring par guru SD indik ngawruhin palemahan sekolah taler nincapang indik softskill.
Ngalantur kasobyahang parikrama Kamopus Mengajar taler prasida nincapang Literasi, Teknologi Digital rikalaning masanding sareng guru duk para guru ne ngicening paplajahan ring i sisya. Kawentenan Kampus Mengajar puniki taler prasida ngicenin panincapan indik Literasi lan Numerasi napi malih ring sajeroning Pandemi COVID-19 sane mabuat pisan ngawinang Learning Lost.
Kepala Dinas Pendidikan Pemuda dan Olahraga Kabupaten Buleleng, Made Astika ngicenin pawarah ring mahasiswa sumangdane rikalaning nglaksanayang tugas ring sekolah inggih punika “para mahasiswa sarengg sami mangda prasida makarya Inovasi ring dije kemanten. Duaning makarya Inovasi punika silih sinunggil pamargi parikarma Kampus Mengajar. I raga prasida malajah ring dije kemanten, ring galah napi manten, majeng ring sira kemanten taler saking gaguron sira kemanten. Setata ajeg ngawangun wangsa lan nagari antuk paweweh sane bilih becik ring Nagara anggen nincapang kualitas pendidikan Indonesia taler nincapang kualitas pendidikan ring Kabupate Buleleng” sakadi asapunika pawarah ragane.
