PARIKRAMA PASADUAJENG KEPALA DISDIKPORA SARENG FORUM KOMUNIKASI OSIS (FORKOMSIS) SMA/MA DAN SMK KABUPATEN BULELENG
PARIKRAMA PASADUAJENG KEPALA DISDIKPORA SARENG FORUM KOMUNIKASI OSIS (FORKOMSIS) SMA/MA DAN SMK KABUPATEN BULELENG
Singaraja, Wraspati, 17 Februari 2022| DISDIKTODAY
Pamucuk manggala Kepala Dinas Pendidikan Pemuda dan Olahraga Kabupaten Buleleng, Made Astika, S.Pd, M.M kasandingin olih I Ketut Agus Susilawan, S.Pd, M.Pd pinaka Kepala Seksi Kurikulum SD, ngawentenang parikrama pasaduajeng maprakanti antuk Take Video sareng Forum Komunikasi OSIS (FORKOMSIS) SMA/MA dan SMK Kabupaten Buleleng genah parum Kepala Dinas, nuju rahina Wrespati pinanggal 17 sasih Pebruari warsa Duang Tali Duang Likur (2022).
Ring sajeroning pasaduajeng punika Kepala Dsdikpora Kabupaten Buleleng ngaturang prasida maprakanti lan kayun suksma dahat majeng ring (FORKOMSIS) SMA/MA dan SMK Kabupaten Buleleng makaduaning sampun prasida sareng-sareng ngaromba parikrama Bulan Bahasa Bali sane Kaping Papat warsa Duang Tali Duang Likur (2022) sane mamurdha “ Danu Kerthi Gitaning Toya Ening”.
Titiang Kepala Disdikpora ngaptiang “ FORKOMSIS mangda prasida ngalaksanayang parikrama Nyurat Aksara Bali taler antuk parikrama bulan bahasa Bali puniki para Yowana ring Kabupaten Buleleng sayan-sayan sregep lan guyub ngalestariang taler ngalimbakang bahasa, aksara, sastra Bali pinaka silih sinunggil warisan budaya Bali duwene”, sakadi asapunika salantunyane pawaran-warah Made Astika.
