DISDIKPORA KEAPTIANG NGEMARGIANG "WORKSHOP PENDAMPINGAN ABK
DISDIKPORA KEAPTIANG NGEMARGIANG "WORKSHOP PENDAMPINGAN ABK"
Singaraja, 18 Oktober 2018| DISDIKTODAY
Magenah ring Ruang Rapat mManggala Praja Disdikpora Kab. Buleleng ring rahina wrespati, 18 Oktober 2018 kelaksanayang presentasi saking perwakilan Lembaga PAUD PNF se Kab. Buleleng, inggih punika ngewilangin indik program workshop sane sampun memargi ring warsane mangkin taler program workshop sane keaptiang sumangdene memargi ring warsa sane jagi rauh.
Ring arep Manggala Praja Disdikpora Kab. Buleleng, Drs. Gede Suyasa, M.Pd para atiti, uleman sami taler pawicara sane dados perwakilan pemilet workshop ring galahe punika ngewedarang indik soang-soang hasil workshop sane sampun lintang, saha ngaturang usulan workshop napi sane jagi ketunas ring warsane jagi rauh.
Ring wewidangan PAUD wenten usulan anyar inggih punika Workshop Pendampingan Anak Berkebutuhan Khusus (ABK). Lian ring punika, ring wewidangan PNF nunasang mangde kelaksanayang Workshop Model Pembelajaran Daring Kesetaraan.
