PARIKRAMA PARUMAN TIM PENDIDIKAN KELUARGA
PARIKRAMA PARUMAN TIM PENDIDIKAN KELUARGA
Singaraja, 20 Desember 2018|DISDIK TODAY
Tim Pokja Pendidikan Keluarga Kabupaten Buleleng ring rahina Wraspati, 20 Desember 2018, magenah ring aula Disdikpora Kec. Buleleng (eks.UPP Buleleng) ngelaksanayang paruman sane mamurda Rapat Evaluasi dan Penilaian Pelaksanaan Program Pendidikan Keluarga Tahun 2018 sane ngerauhang instansi sane mapaiketan taler makesami anggota Pokja.
Rapat sane keangganin manggala Pokja Dikkel, I Made Ngadeg, S.Pd, M.Pd puniki tetujon nyane nyobyahang indik hasil monitoring Tim Pokja sane sampun tedun ring sekolah-sekolah sasaran mangdane instansi seosan sane mapaiketan taler uning lan presida ngicenin saran utawi masukan sumangdene pelaksanaan program Dikkel sane jagi rauh presida paripurna, riantukan Program punika mabuat pisan majeng ring kesuksesan pendidikan.
Hasil monitoring ring jenjang PAUD & PNF kasobyahang olih Drs. Ketut Raka, M.Si, jenjang SD olih Putu Murtini, S.Pd, M.Pd, sane kaping untat ring jenjang SMP kawedar oleh Drs. Gede Duniawan, M.Pd.
Yening kaselehin program pendidikan keluarga inucap sampun memargi sekadi sane keaptiang, nanging durung mewasta maksimal. Antuk punika kabuatang wenten galah mangda wenten kelaksanayang Penyegaran Kembali merupa sosialisasi ring makesami undagan sekolah saha ngaturin mangda makesami penilik taler pengawas mangda nyarengin pendampingan ring wewidangan binaan nyane soang-soang.
