TIGANG KELOMPOK NGEMARGIANG RAKORDIKPORA RAHINA KAPING KALIH
TIGANG KELOMPOK NGEMARGIANG RAKORDIKPORA RAHINA KAPING KALIH
Singaraja, 11 Oktober 2018 | DISDIK TODAY
Nemonin rahina Wrespati, 11 Oktober 2018, pemargi Rapat Koordinasi Pendidikan Pemuda dan Olahraga (RAKORDIKPORA) rahina kaping kalih memargi antar. RAKORDIKPORA sane kemargiang megenah ring kalih wewidangan tur kepah dados tigang kelompok. Kalih kelompok, mina kadi Kelompok I sane nganinin indik Guru lan Tenaga Kependidikan (GTK), lan Kelompok II sane mligbagang indik Pemudadan Olahraga megenah ring Hotel Bali Taman, Lovina. Kelompok III sane nangiang unteng bebaosan indik geginan swadharmaning Sekretariat megenah ring Aula Disdikpora Kabupaten Buleleng.
Pemargi paruman sajeroning RAKORDIKPORA rahinane mangkin, gumanti matiosan ring rahina sedereng nyane turmaning sane pacang kemargiang rahinane benjang. Ring galahe puniki sekancan dudonan parikrama RAKORDIKPORA kemargiang ngangge basa Bali, tur maning para pamilet sami kepatutang ngangge busana adat Bali. Indik puniki pinaka cihna nyalantarayang Peraturan Gubernur Bali Nomor 79 Tahun 2018 lan Peraturan Gubernur Bali 80 Tahun 2018 sane nganinin indik rahina ngangge busana adat Bali tur rahina ngangge Basa Bali.
lnggian soang-soang kelompok sane kemanggalaning antuk soang-soang Kepala Bidang midartayang indik program kegiatan sane pacang kemargiang ring warsa 2019. Pemargi puniki selantur nyane pacang kebligbagang ring para pamilet paruman sane mawit saking mekudang manggala praja tur pasikian sane maduwe paiketan ring pemargi program kegiatan Disdikpora Kabupaten Buleleng. Pinaka pemuput acara pacang kemargiang nyutetang pemargi paruman sane kacihnayang antuk ngelingga tangananin Berita Acara.
